Klubi i futbollit Barcelona është duke përjetuar një krizë financiare të thellë, me borxhe që arrijnë në 1.45 miliardë euro.
Sipas një analize nga ekspertët në gazetën “Athletic”, situata e klubit lidhet ngushtë me keqmenaxhimin financiar pas transferimit të Neymar te PSG në vitin 2017.
Edhe pse paratë e këtij transferimi ishin të destinuara për stabilizim, ato u shpenzuan shpejt, duke përfshirë investimet në lojtarë si Ousmane Dembélé, Coutinho dhe Antoine Griezmann, si dhe pagesa të majme për Lionel Messin.
Përveç kësaj, pandemia e COVID-19 ka përkeqësuar situatën, duke shkaktuar humbje të mëdha të ardhurash nga ndeshjet, përveç detyrimeve financiare që kapin shifrën 389 milionë euro.
Në një përpjekje për të lehtësuar situatën, presidenti Joan Laporta aktivizoi linjat e kreditit me Goldman Sachs, por borxhi vazhdoi të rritej, duke shkaktuar humbje operative prej 200 milionë eurosh në vitin 2020/2021.
Barcelona po përpiqet të rrisë të ardhurat përmes projekteve të mëdha si “Espai Barça”, i cili synon modernizimin e stadiumit dhe rritjen e kapaciteteve. Megjithatë, ky projekt do të kërkojë investime deri në 1.5 miliard euro, duke e rritur ende më shumë borxhin e klubit.
Në sezonin 2022/2023, Barcelona raportoi një fitim kontabël prej 801.5 milion eurosh, por korrigjimet e vlerësimit e vunë atë në të kuqe.
Vonesat në ndërtimin e “Espai Barça” dhe zhvendosja nga Camp Nou në Montjuic kanë shtuar barrën financiare. Sipriçon e mundshme për të stabilizuar situatën financiare ngel pas ndërtimit të stadiumit, i cili mund të kontribuojë me 250 milion euro në të ardhura çdo vit.
Klubi vazhdon të kërkojë mënyra për të rritur të ardhurat, përfshirë organizimin e ndeshjeve miqësore. Megjithatë, ekspertët paralajmërojnë se ende është herët për të thënë se Barcelona ka dalë nga kriza e thellë në të cilën ka rënë.
