Ministria e Punëve të Brendshme ka lansuar faqen e re “paviza.eu”, e cila ka si qëllim informimin e qytetarëve për rregullat e udhëtimit në zonën Schengen.
Kjo uebfaqe furnizon informacion të detajuar dhe vegla ndihmëse për planifikimin e udhëtimit në vendet të cilat bëjnë pjesë në këtë zonë.
Ajo përmban informacion mbi kohëzgjatjen e qëndrimit, me një limit prej 90 ditësh brenda 180 ditëve për vizita familjare, turistike dhe biznesi, ndërsa për punësim dhe studime kërkohet një leje tjetër.
Një rushtim i rëndësishëm është se hyrja në Schengen nuk është gjithmonë e garantuar. Mund të refuzohet për arsye të mosplotësimit të kushteve të caktuara. Uebfaqja gjithashtu ofron detaje mbi sistemin e ri të hyrje/daljes (EES), i cili automatikisht zëvendëson vulosjen manuale të pasaportave.
Ky sistem, i cili ka filluar të funksionojë me 12 tetor, mbledh të dhëna si emri, dokumenti i udhëtimit, gjurmët e gishtave, fotografia dhe data e hyrjes ose daljes.
Për të vizituar një shtet të zonës Schengen, udhëtarët gjithashtu duhet të plotësojnë gjashtë kushte. Këto përfshijnë një pasaportë biometrike me të paktën 3 muaj afat pas kthimit, dëshmi mbi qëllimin e udhëtimit (si fteksë ose rezervim hoteli) dhe prova për qëndrim (adresa e hotelit ose vendit ku do të qëndroni).
Po ashtu, kërkohet një biletë kthimi dhe prova që do të ktheheni në vendin tuaj, së bashku me mjete të mjaftueshme financiare.
Përveç kësaj, në kufi do të merren gjurmët e katër gishtave dhe fotografia, që mund të shkaktojë vonesa. Nëse udhëtoni me automjet, nevojitet leja e qarkullimit dhe sigurimi ndërkombëtar.
Një veçori e rëndësishme e uebfaqes është kalkulatori i qëndrimit në Schengen, i cili ndihmon në llogaritjen e ditëve të qëndrimit pa e thyer rregullin “90/180”.
Kosovarët mund të udhëtojnë pa viza në Schengen që nga janari i vitit 2024, ndërsa disa vende si Mbretëria e Bashkuar, Monaco, San Marino dhe Andorra nuk janë pjesë e Schengenit.
