Numri i viktimave nga zjarri masiv që shpërtheu në resortin e skive, Grand Kartal, në Turqi, mëngjesin e djeshëm ka arritur në 79. Sipas agjencisë turke të lajmeve Anadolu, hetimet për këtë tragjedi kanë çuar në arrestimin e 11 personave, përfshirë zëvendës kryetarin e bashkisë së Bolu, Sedat Gulener dhe nënshefin e Zjarrfikësve, Kenan Koskun.
Nga viktimat, 56 janë identifikuar pas kryerjes së testeve të ADN-së. Ministri i Drejtësisë, Yilmaz Tundz, theksoi se hetimi është duke u realizuar me ndjeshmëri dhe me një qasje shumëdimensionalë.
Ai shtoi se Prokuroria e Përgjithshme e Bolu ka ngritur hetime të plota dhe ka caktuar 7 prokurorë për të udhëhequr këtë çështje.
