Guardia Civil në Spanjë ka çmontuar një grup kriminal të përbërë nga 7 shqiptarë, të cilët akuzohen për kryerjen e 16 grabitjeve në zona luksoze të Spanjës.
Grupi, i cili përdorte dhunë ekstreme për të kërcënuar dhe lidhur viktimat, kishte vjedhur sende të çmuara me një vlerë prej 10 milionë eurosh. Hetimi, i cili ka nisur në qershor të vitit 2024, zbuloi strategjitë e sofistikuara të grupit për të shmangur kapjen, përfshirë përdorimin e mjeteve me targa false dhe fshehjen e sendeve të vjedhura.
Gjatë operacionit, janë sekuestruar bizhuteri, orë luksoze dhe armë, ndërkohë që grupi përdorte vila të fshehura për të planifikuar grabitjet.
