Ish-kryeministri Sali Berisha ka ndarë sot me ndjekësit një mesazh të ndjerë, duke e cilësuar 5 korrikun si një nga ditët më të veçanta për familjen e tij. Ai ka uruar bashkëshorten, Liri Berisha, për ditëlindjen, të cilën e quan “kryeditëlindjen” e familjes, si dhe përvjetorin e 54-të të martesës. Në një dedikim plot emocion, Berisha falënderon Lilin për dashurinë, përkushtimin dhe rolin e saj të pazëvendësueshëm në jetën e familjes.
Sali Berisha: Sot ditë e veçantë për familjen tonë! Miq, 5 korriku është dita e dy festave tona familjare. Së pari sot është ditëlindja e Lilit që çdo vit është kryeditëlindja, apo ditëlindja për të cilën flitet dhe që festohet më shumë në familjen tonë.
Por sot kemi dhe ditëlindjen martesës, e udhëtimit tonë të përbashkët 54 vjeçar. Ndaj dhe mirënjohja e pakufishme e imja dhe e femijëve është për Lilin e cila me dashurinë, përkushtimin, mirësitë, sakrificat e saj ka qenë si një hyjni e vërtetë tokësore e jetës tonë. Gëzuar Lili, dhe me vullnetin e Zotit, edhe shumë e shumë vite të tjera me të gjithë ne së bashku!
