Në një kohë kur ndryshimet e Kodit Penal që janë parashikuar në një Projekt Draft po ndezin gjithmonë e më shumë debate në publik, një nga këto ndryshime të propozuara është ndalimi i bigamisë, ose dy martesa njëkohësisht.
Sipas nenit 742, realizimi i me shumë se nje martese ne te njejten kohe, do te jetë vepër penale dhe do të ndeshkohet me gjobë ose me denim deri ne 3 vjet burg. Në rastin kur individi vazhdon te jetojë në marrëdhënie bigamie edhe pas një dënimi të meparshëm, dënimi do të ashpersohet: nga 6 muaj deri në 4 vjet burgim.
Ky ndryshim ka kthyer vëmendjen te një personazh mjaft i dashur për publikun shqiptar, Iliaz Laskaj nga fshati Selishtë i Peshkopisë.
Ai e ka treguar publiksht historinë e tij se si është martuar me dy gra. Në vitin 2001 Iliazi u martua me Anifën, por në vitin 2005 ai lidhi një kurorë të dytë me Manushaqen. Iliazi ka 8 fëmijë nga këto dy martesa.
Po tashmë që ligji do ashpërsohet dhe këto marrëdhënie do të konsiderohen si shkelje penale, a duhet Iliazi që të shkëpusë njërën prej kurorave, apo të vazhdojë të “shtojë popullsinë” i pashqetësuar për pasojat?!
