Të tjera detaje janë zbuluar lidhur me ngjarjen e rëndë që tronditi Tepelenën mëngjesin e sotëm, ku një biznesmen italian Edoardo Sarchi është vrarë me armë zjarri.
Gazetarja Dorina Muhaj raporton se policia ka shoqëruar katër persona deri më tani. Mes tyre dyshohet se është dhe autori që ka kryer krimin. Ndryshe nga sa u raportua në fillim, Muhaj deklaroi se viktima nuk është qëlluar me breshëri armësh, por mendohet të jetë qëlluar me çifte.
“Nuk është qëlluar nme breshëri. Mendohet se mund të jetë qëlluar me armë çifte dhe makina automjet i bardhë të cilën e pamë të merrej në karrotrec ka qenë pikërisht makina e personit që dyshohet se ka qenë vrasësi i 44-vjeçarit.”,tha Muhaj.
Më tej gazetarja shtoi se trupi i viktimës është zvarritur dhe nxjerrë në anën tjetër të rrugës: Nuk dihet nëse është munduar të dalë vetë apo ka qenë i dyshuari që e ka bërë këtë veprim. Zona ku ka ndodhur ngjarja është një zonë mjaft e frekuntuar.
Biznesmeni italian Edoardo Sarchi jetonte prej 20 vitesh në Tiranë dhe shpesh shkonte në Salari të Tepelenës për shkak të pasionit të tij për gjuetinë.
