Protesta e opozitës u mbyll pa ndonjë bujë të madhe këtë të shtunë në Tiranë!
Kryedemokrati Sali Berisha kërkoi qeveri teknike, teksa akuzoi kryeministrin Edi Rama dhe qeverinë e tij për afera korruptive. Ai i bëri thirrje emigrantëve për të marrë pjesë në zgjedhjet e përgjithshme të 11 majit.
Ajo që u duk ishte një mungesë entuziazmi e protestuesve, në krahasim me protestat e mëparëshme. Pavarësisht kësaj, tre efektivë policie mbetën të lënduar nga kapsollat dhe tymueset në momentin që Berisha u ngjit në podium.
Sakaq, Berisha menjëherë pas tubimit është nisur për në aeroportin ndërkombëtar të Rinasit, nga ku në orën 21:30 të mbrëmjes do të fluturojë në drejtim të Italisë për të takuar emigrantët.
