Të paktën 29 fëmijë dhe të moshuar kanë humbur jetën nga uria në Gaza në dy ditët e fundit, sipas Ministrit të Shëndetësisë të Autoritetit Palestinez.
Ndërkohë, sulmet ajrore izraelite kanë vrarë të paktën 52 njerëz që nga agimi, mes një ofensive të rinovuar ushtarake në të gjithë territorin.
Lajmi vjen ndërkohë që ndihma humanitare është e pritur të arrijë në Gaza këtë javë, pasi Izraeli ka nisur kalimin e mallrave të kufizuara pas presionit global për heqjen e bllokadës dhe ndalimin e një ofensive të zgjeruar. Pas gati tre muajsh, ky hap vjen pas kërkesave ndërkombëtare për të lejuar hyrjen e ndihmave.
Jens Laerke, zëdhënës i Agjencisë Humanitare të OKB-së OCHA, njoftoi të enjten se rreth 90 kamionë me ilaçe, miell gruri dhe furnizime ushqimore janë futur në Gaza nga një total prej 200 që ishin parashikuar.
Ai theksoi se grupet humanitare po përballen me sfida të mëdha në shpërndarjen e ndihmave për shkak të pasigurisë, rrezikut të plaçkitjeve dhe vështirësive të koordinimit me autoritetet izraelite.
Megjithatë, Gjysmëhëna e Kuqe Palestineze tha se palastinezët në Gaza ende nuk kishin marrë ndihma që kishin kaluar kufirin dhe se dërgimi i kaq pak kampionëve ishin një “ftesë për vrasje” për shkak të rrezikut të sulmeve të turmës.
