Como e drejtuar nga Cesc Fabregas ka bërë surprizën e madhe sot duke fituar në transfertë 0-2 ndaj Fiorentinës në “Artemio Franchi”, ndeshje e vlefshme për javën e 25-të në Serie A.
Golat për miqtë u shënuan nga Diao në pjesën e parë dhe Nico Paz në pjesën e dytë, i cili realizoi një gol spektakolar që u duartrokit edhe nga tifozët e klubit vjollcë. Djaloshi 20-vjeçar është zbulimi më i madh i këtij sezoni deri tani në Serie A dhe jo më kot ka ngjallur interesin e shumë klubeve të mëdha. SHIKO GOLIN
Paz u transferua verën e kaluar nga Real Madrid te Como për 6 milionë euro, por klubi madrilen ka të drejtën e riblerjes përpara çdo klubi tjetër dhe me shumë mundësi do ta shfrytëzojë këtë mundësi gjatë verës, ose do të përfitojë 50 për qind të shumës në shitjen e radhës.
Ajo që është e sigurt duke parë perfomancat e tij është largimi nga Como në fund të këtij sezoni, pasi argjentinasi duket gati për të bërë hapin e madh në karrierë.
