Rreth 170 persona kanë përfunduar në spitalin e Peshkopisë të shoqëruar me shenja helmimi.
Situta është kështu që të dielën, ku vazhdimisht banorë të Njësive Administratve Arras, Kastriot dhe Fushë Çidhën, janë paraqitur në spital duke u ankuar për helmim pasi kishin shenja si dhimbje barku, koke dhe të vjella. Dyshimet lidhen me një helmim të mundshëm nga ujësjellësi i Saponikës, i cili bën edhe furnizimin me ujë të pijshëm të banorëve që janë paraqitur në spital.
Mes pacientëve një numër i konsiderueshëm janë fëmijë të vegjël. Pasi kanë marrë trajtimin e nevojshëm në spital, pjesa më e madhe e qytetarëve janë larguar për në banesat e tyre.
Situata mendohet të jetë krijuar nga sasia e madhe e klorit në ujë, teksa vlen të kujtojmë se kjo nuk është hera e parë që banorë të Dibrës, Bulqizës dhe zonave përrreth helmohen nga uji.
Tashmë janë marrë disa mostra të ujit që janë çuar për analizim në Tiranë dhe do të pritet përgjigjja për të zbuluar nëse banorët janë helmuar nga uji.
