Kosova shënon sot 17-vjetorin e pavarësisë së saj, të shpallur më 17 shkurt të vitit 2008.
Për shumë dekada u prit një festë e tillë dhe momenti i kremtimit kulmoi kur në Kuvendin e Kosovës, në orën 15:39, të dielën e 17 shkurtit 2008, u lexua Deklarata e Pavarësisë.
Nga ai çast, Kosova u shpall e pavarur dhe më Ballkan u konfirmua edhe një shtet i ri.
Kosova e pavarur menjëherë nisi të njihej nga shtetet mike dhe nga anembanë bota. Mes tyre ishin Shtetet e Bashkuara të Amerikës, Gjermania, Franca, Kanadaja e Japonia.
Në këtë përvjetor, janë organizuar aktivitete të ndryshme, duke përfshirë ceremoni zyrtare, koncerte dhe ekspozita, që festojnë progresin dhe zhvillimin e Kosovës gjatë këtyre 17 viteve.
Me kalimin e kohës, Kosova ka arritur një zhvillim të ndjeshëm në fusha të ndryshme, përfshirë infrastrukturën, arsimin, dhe marrëdhëniet ndërkombëtare.
Gjithshtu Kosova është e sapodalë nga një proces zgjedhor dhe është në pritje të formimit të institucioneve të reja.
Fituese në zgjedhjet e 9 shkurtit doli Lëvizja Vetëvendosje e kryeministrit aktual, Albin Kurti, por pa siguruar shumicën e nevojshme prej 61 deputetësh për ta formuar qeverinë e vetme.
