Qeveria ka miratuar sot kalimin e 150 banesave të reja në pronësi të Bashkisë Krujë, të cilat do t’u dorëzohen qytetarëve të prekur nga tërmeti i 26 nëntorit 2019.
Vendimi u mor gjatë mbledhjes së Këshillit të Ministrave dhe përfshin njësitë e banimit të ndërtuara nga Fondi Shqiptar i Zhvillimit.
Në vendim ngarkohen për zbatim Ministria e Infrastrukturës, FSHZH dhe Bashkia Krujë. Vendimi hyn në fuqi menjëherë dhe është publikuar në Fletoren Zyrtare.
