Sipas një studimi pesëvjeçar të Thomas C. Corley, i cili analizoi zakonet e përditshme të 177 milionerëve që e kanë ndërtuar vetë pasurinë, rezulton se suksesi financiar lidhet drejtpërdrejt me disa rutina të qëndrueshme. Në një artikull të Business Insider, Corley rendit “zakonet e pasurisë” që këta individë kanë të përbashkëta.
1. Lexojnë rregullisht
Corley thekson se 88% e milionerëve lexojnë të paktën 30 minuta në ditë për vetë-zhvillim, jo për argëtim. Ata janë të fokusuar në përvetësimin e njohurive.
2. Ushtrohen çdo ditë
76% prej tyre bëjnë të paktën gjysmë ore aktivitet fizik çdo ditë.
3. Shoqërohen me njerëz të suksesshëm
Milionerët kërkojnë rreth vetes individë optimistë, ambiciozë dhe të përqendruar te qëllimet.
4. Ndjekin qëllimet e tyre
Ata konsiderohen “të fiksuar pas arritjes së objektivave”, duke punuar në mënyrë të qëndrueshme drejt tyre.
5. Zgjohen herët
Gati gjysma e milionerëve zgjohen të paktën tre orë para fillimit të ditës së punës.
6. Kanë disa burime të ardhurash
Sipas Corley, askush prej tyre nuk mbështetet në një burim të vetë të ardhurash.
7. Punojnë me mentorë
Të pasurit të vetë-arrirë e konsiderojnë mësuesin apo mentorin faktor kyç për shpejtimin e suksesit.
8. Kanë mendësi pozitive
Zhvillimi i një qëndrimi pozitiv është tipar dominues te të gjithë milionerët e studiuar.
9. Nuk ndjekin turmën
Corley thekson se distancimi nga sjellja kolektive është faktor që i dallon individët e suksesshëm.
10. Kanë etikë të mirë sjelljeje
Zotërimi i rregullave bazë të etiketës konsiderohet pjesë e domosdoshme e suksesit profesional.
11. Ndihmojnë të tjerët të arrijnë sukses
Ata besojnë se duke kontribuar në arritjet e njerëzve të tjerë, rriten edhe vetë.
12. Dedikojnë 15–30 minuta në ditë vetëm për të menduar
Milionerët praktikojnë reflektim të përditshëm, veçanërisht në orët e mëngjesit.
13. Kërkojnë reagime dhe kritika
Sipas Corley, marrja e feedback-ut është thelbësore për të kuptuar çfarë funksionon dhe çfarë duhet ndryshuar.
14. Kërkojnë atë që duan
Ata kapërcejnë frikën nga refuzimi dhe vazhdojnë të kërkojnë derisa të marrin një “po”.
15. Marrin rreziqe të llogaritura
Milionerët nuk janë të pamend, por dinë të kontrollojnë frikën e dështimit dhe të marrin vendime të matur.
