Barcelona e mposhti Slavia-n 4–2 në raundin e shtatë të UEFA Champions League, por ndeshja la edhe një lajm të keq për katalanasit: Pedri u dëmtua dhe u detyrua të largohej nga fusha.
Në mes të pjesës së parë, mesfushori spanjoll doli nga loja pas një goditjeje/dhimbjeje, ndërsa klubi ka dhënë tashmë përditësimin zyrtar. Barcelona konfirmoi se Pedri ka pësuar një dëmtim në hamstring-un e këmbës së djathtë dhe, si pasojë, do të qëndrojë jashtë për një muaj.
Pedri më parë ishte rikuperuar shpejt nga një dëmtim muskulor, duke humbur vetëm tre ndeshje në dy javë, por këtë herë Barcelona nuk dëshiron të rrezikojë për shkak të ndjeshmërisë së dëmtimeve në hamstring.
