Xabi Alonso ka njoftuar largimin e tij nga Bayer Leverkusen në fund të sezonit, duke hapur rrugën për rikthimin e tij të shumëpritur në “Santiago Bernabeu”, ku pritet të zëvendësojë Carlo Ancelottin si trajner i Real Madridit.
Në një konferencë për shtyp të mbajtur të premten, 43-vjeçari konfirmoi:
“Unë dhe klubi kemi rënë dakord që këto dy ndeshjet e fundit do të jenë të fundit për mua si trajner i Bayer Leverkusen.”
Alonso nuk e konfirmoi kalimin te madrilenët, por nuk e mohoi as atë:
“Nuk është momenti të flasim për të ardhmen. Dua të përmbyll gjithçka bukur të dielën.”
Një epokë e artë me Leverkusen
Alonso largohet pas një periudhe historike, veçanërisht për sezonin 2023/24, ku Leverkusen fitoi Bundesligën dhe Kupën e Gjermanisë pa asnjë humbje në të dyja kompeticionet. E vetmja disfate e sezonit erdhi në finalen e Europa League kundër Atalanta-s.
Në total:
138 ndeshje 89 fitore | 31 barazime | 18 humbje Golavarazh: 311–149 Përqindja e fitoreve: 64.5%
Pasardhësi i mundshëm? Cesc Fabregas në listën e Leverkusen!
Bild raporton se drejtuesit e klubit kanë në krye të listës ish-yllin e Barcelonës, Cesc Fabregas, aktualisht trajner i Como-s në Serie A.
Nga një nga sezonet më të mira në historinë e futbollit gjerman, drejt një tjetër faqeje të re – këtë herë në stolin e klubit më të madh në botë. Xabi Alonso është gati të shkruajë kapitullin e tij të radhës me Real Madridin.
