KF Tirana ka bërë zyrtare emërimin e Vangjel Mile si trajner i ri i ekipit të parë, duke i besuar pankinën për tre sezonet e ardhshme.
Lëvizja vjen pas një periudhe të suksesshme për Mile në rolin e Drejtorit Teknik të Akademisë, ku ai ka ndihmuar në formimin e talenteve të reja dhe ka ndërtuar një filozofi të qartë futbolli.
Emërimi i Mile shihet si një hap strategjik për të krijuar vazhdimësi mes brezave, duke ndërtuar ura të forta mes Akademisë dhe ekipit të parë, shkruan klubi.
“E ndjej veten pjesë të kësaj shtëpie dhe e marr këtë përgjegjësi me përulësi, por edhe me shumë besim. Njoh vlerat dhe pritshmëritë e këtij klubi dhe jam i përkushtuar të punoj çdo ditë për të çuar përpara emrin dhe objektivat e KF Tiranës,” – deklaroi Mile në prezantimin zyrtar.
Klubi bardheblu e sheh këtë emërim si bazë për një projekt afatgjatë, me qëllimin e qartë për të rikthyer Tiranën në majat e futbollit shqiptar dhe për të integruar elementët më të mirë të rinisë brenda skuadrës elitare.
