Liverpool ka përforcuar repartin ofensiv me transferimin e sulmuesit francez Hugo Ekitike nga Eintracht Frankfurti, duke mposhtur interesin e vonshëm të Manchester United dhe ofertën më të lartë të Newcastle.
Sipas “Daily Express” marrëveshja është mbyllur për një shumë 79 milionë paundë duke përfshirë dhe bonuset. Ekitike ka kaluar me sukses vizitat mjekësore dhe ka nënshkruar kontratë gjashtëvjeçare me “The Reds”.
Liverpool ka qenë në kontakt me përfaqësuesit e Ekitike prej më shumë se gjashtë muajsh, ndërsa trajneri Arne Slot ka zhvilluar një bisedë direkte me të në fund të sezonit. Vetë lojtari refuzoi interesimin e Manchester United, duke u treguar drejtuesve të Frankfurtit se nuk ishte i interesuar për kalimin në “Old Trafford”.
Ish-sulmuesi i PSG-së, 23-vjeçar, shënoi 22 gola sezonin e kaluar në Bundesligë dhe konsiderohet si një nga talentet më premtues në rolin e sulmuesit. Në klubin anglez e shohin si një sulmues të shumanshëm, që mund të luajë si “numër 9”, por edhe në pozicione të tjera sulmuese, ndërsa e krahasojnë me emra si Erling Haaland dhe Kylian Mbappe për nga potenciali.
Ky është përforcimi i katërt madhor i verës për Liverpoolin, që tashmë ka shpenzuar deri në 250 milionë pandë, një shifër që mund të shkojë në 300 milionë, nëse përfshihen edhe bonuse dhe marrëveshja e mëparshme për portierin Giorgi Mamardashvili.
Të tjerë emra të afruar janë Florian Wirtz (rekordi i ri i klubit, 100 milionë paundë), si dhe mbrojtësit Milos Kerez dhe Jeremie Frimpong.
Me këtë transferim, Liverpool-i tregon ambicien për të ndërtuar një skuadër konkurruese në epokën e re nën drejtimin e Arne Slot.
