Barcelona nëpërmjet një njoftimi për shtyp ka bërë të ditur zyrtarisht rinovimin e kontratës së Hansi Flick, si trajner i klubit Blaugrana:
“Barcelona dhe Hansi Flick kanë arritur një marrëveshje për rinovimin e kontratës së tij që do ta lidhë atë me klubin deri më 30 qershor 2027.
Trajneri gjerman nënshkroi një kontratë të re të mërkurën në selinë e klubit, në prani të presidentit të FC Barcelonas, Joan Laporta, zëvendëspresidentit të parë Rafa Yuste dhe drejtorit sportiv të klubit, Anderson Luis de Souza “Deco”, ndër të tjerë”.
Pas nënshkrimit të marrëveshjes, trajneri gjerman Hansi Flick shprehu entuziazëm të madh për besimin e marrë teksa u shpreh: “Jam i lumtur që udhëtimi vazhdon. Ne kemi potencial të madh, me një ekip të ri dhe një dëshirë të madhe për t’u rritur.”
“Ne e meritonim gjithçka që morëm. Ekipi tregoi shpirt dhe dëshirë për t’u përmirësuar ditë pas dite. Ne do të punojmë shumë çdo javë për të bërë gjithmonë një hap përpara,” tha ndër të tjera ai.
