Barcelona ka vendosur të aktivizojë opsionin për të zgjatur kontratën e një prej lojtarëve të tyre të ekipit të parë: Iñigo Martinez do të veshë fanellën e Blaugranës deri më 30 qershor 2026. Të dyja palët kishin arritur një marrëveshje muaj më parë, por regjistrimi në Liga de Fútbol Profesional (LFP) ishte në pritje.
Kjo është deklarata zyrtare e katalanasve: “Barcelona është e kënaqur që ka siguruar rinovimin e mbrojtësit bask edhe për një tjetër sezon. Zgjatja e kontratës së Iñigo Martinez tregon se sa i rëndësishëm është qendërmbrojtësi në planet e Hansi Flick.
Lojtari bask iu bashkua Barçës në verën e vitit 2023 nga Athletic Club dhe pasi pati më shumë një rol mbështetës në sezonin e tij të parë (20 ndeshje ne Liga, 4 ne Champions dhe 1 ne Kupën e Mbretit), ai është bërë mbrojtësi i parë në sezonin aktual.
Një kombinim i përvojës, lidershipit dhe paraqitjeve të mira në fushë e kanë lejuar atë të fitojë besimin e ekipit dhe trajnerit. Ecuria ka qenë e qartë që nga fillimi i sezonit.
Deri më sot ai ka luajtur 33 ndeshje, duke startuar 32, duke shënuar 3 gola dhe duke dhënë 4 asistime. Ai gjithashtu fitoi trofeun e tij të parë si lojtar Blaugrana këtë sezon, në formën e Superkupës së Spanjës”.
