Kryeministri Edi Rama theksoi se situata e jashtëzakonshme e zjarreve, që preku Dibër, Finiq, Vlorë e zona të tjera, bëri që ushtarë dhe civilë të bashkohen në një përpjekje të jashtëzakonshme për të shpëtuar vendin nga dëmet ekonomike dhe njerëzore. Ai nënvizoi se Shqipërinë nuk e mbrojtën ekspertët online, por përkushtimi, djersa dhe sakrifica e njerëzve që vepruan në terren, duke e cilësuar këtë si të vërtetën që duhet thënë me zë të lartë.
Kryeministri Edi Rama: Pranë apo larg vijës së zjarrit kjo situatë bëri bashkë një armatë ushtarakësh dhe civilësh. Një shërbimi të përkushtuar, dhe me ritëm për të gëzuar mirënjohjen e gjithë publikut. Edhe pse një situatë e jashtëzakonshme, në Dibër, Finiq, Vlorë e vende të tjera, qëndrimi i njerëzve tanë ndaluan atë që mund të ishte një asgjësim ekonomik. Qindra misione nga ajri e nga toka, dhe ky shtet i sfiduar si asnjëherë më parë nuk u kthye. Por mundi të jepte më të mirën edhe pse ka shumë për të bërë. Nuk munguan as ekspertët online të fikjes së zjarrit, por Shqipërinë nuk e mbrojtën ata, por e mbrojti djersa dhe sakrifica, ku përfaqësues jeni edhe ju këtu. Kjo është e vërteta që duhet të thuhet me zë të lartë.
