Numri i viktimave nga zjarret në Los Angeles ka arritur në 24, ndërsa dhjetëra persona janë ende të zhdukur. Zyrtarët ende nuk kanë një vlerësim të saktë për totalin e viktimave.
Gjashtëmbëdhjetë nga të vdekurit u gjetën në zonën e zjarrit Eaton, ndërsa tetë të tjerë në zonën Palisades. Aktualisht tre zjarre vazhdojnë të digjen përreth Los Angeles-it. Ku zjarri më i madh është ai në Palisades, i cili ka djegur mbi 23,000 hektarë tokë, vetëm 13% të tij është nën kontroll.
Zjarri në zonën Eaton është i dyti më i madh, duke djegur më shumë se 14,000 hektarë. Ndërkohë zjarri në Hurst është rritur me 799 hektarë dhe është pothuajse plotësisht nën kontroll.
Zjarrfikësit vazhdojnë përpjekjet e tyre për të shuar vatrat e zjarrit, ndërsa autoritetet kanë dhënë paralajmërime të reja. Pas një fundjave me erëra të qeta, pritet që këtë javë të rikthehen erëra të forta dhe të rrezikshme, të cilat mund të krijojnë “kushte të mundshme katastrofike të erës”, në të gjithë zona e qarkut të Los Angeles-it e cila mbetet nën kërcënimin e zjarreve.
