Zjarrfikësit në Pakistan po kontrollojnë rrënojat e djegura të qendrës tregtare Gul Plaza në Karaçi, në kërkim të më shumë se 60 personave të zhdukur, pasi një zjarr i përmasave të mëdha shkaktoi të paktën 15 viktima. Zjarri shpërtheu mbrëmjen e së shtunës (18 janar) në kompleksin shumëkatësh, ku ndodheshin rreth 1 200 dyqane, në qendrën historike të qytetit.
Deri të hënën pasdite, pjesa më e madhe e ndërtesës ishte shembur, ndërsa vinça janë vendosur rreth strukturës së mbetur, për shkak të frikës se ajo mund të rrëzohet plotësisht. Qindra persona, përfshirë familjarë të të zhdukurve, u mblodhën përreth godinës të hënën, teksa ekipet e shpëtimit vijonin kërkimet për të mbijetuar nën rrënoja.
