Një vatër zjarri është aktivizuar sot në zonën e njohur si “Rruga e Teqes Mengel” në Elbasan ku flakët kanë përfshirë një masiv me pisha dhe shkurre.
Bëhet me dije se për shkak të temperaturave të larta, erës dhe bimësisë së thatë, zjarri është përhapur duke vështirësuar ndërhyrjen dhe kontrollin e flakëve.
Gjithashtu mësohet se forcat zjarrfikëse po punojnë për të frenuar përhapjen e flakëve duke synuar të mbrojnë banesat pranë zonës së rrezikuar.
Bazuar në informacionet paraprake, nuk ka raportime për persona të lënduar, por vetëm për dëme në sipërfaqen pyjore.
