Një vatër zjarri është shfaqur sot në fshatin Miras të Korçës, ku aktualisht është angazhuar një helikopter i Forcave të Armatosura për të shuar flakët.
Zjarri ka përfshirë një sipërfaqe me pisha, ndërsa për shkak të terrenit malor ndërhyrja nga toka me mjete zjarrfikëse është e vështirë.
Si pasojë, është vendosur përdorimi i helikopterit për të izoluar flakët dhe për të parandaluar përhapjen e mëtejshme të tyre.
