Sekretariati i Etikës përjashtoi ditën e djeshme 24 deputetë demokratë nga seancat parlamentare si masë disiplinore për kaosin e shkaktuar në seancën e fundit.
Ditën e sotme, Garda e Republikës nuk i ka lejuar demokratët që të hyjnë në Kuvend. E teksa këta të fundit tentotin të kalonin “gardhin” e krijuar nga Garda, deputetët e mazhorancës kanë hyrë në sallën e Kuvendit për të zhvilluar seancnë e radhës plenare. Kjo ka shkaktuar tensione dhe përplasje fizike mes demokratëve dhe socialistëve si dhe Gardës.
Kreu i grupit parlamentar të PD Gazment Bardhi është përplasur me Gardën.
“Mos më prekni me dorë! Ka radhë këtu. Zhdukuni”, u shpreh Bardhi.
Ndërkohë në Kuvend kanë shkuar edhe ministrat e PS, por deputetët nuk i kanë lejuar që të futen, madje edhe janë përplasur me ministrin e Financave, Petrit Malaj.
Ndërsa deputeti Luan Baçi dëgjohet t’i drejtohet Niko Peleshit “Niko mos bëni të fortin”.
Nga ana tjetër Bardhi dhe Noka kanë debatuar me ministrin e Jashtëm, Igli Hasani dhe Niko Peleshin.
Debati Bardhi-Hasani
Bardhi: Largohu të lutem. Ne kemi ardhur me vota. Të ka emëruar krimi.
Hasani: Ul gishtin
Bardhi: Bashkë me ushtarin e Ergys Agasin, që është ministër i brendshëm. Sju vjen zor. Pinjoll i Enver Hoxhës.
Sakaq, u afrua ministri i brendshëm, Ervin Hoxha i cili arriti të futej së bashku me Hasanin, nga një hyrje tjetër.
Debati mes Flamur Nokës, Niko Peleshit dhe Igli Hasanit:
Noka: Jam unë
Hasani: Ule gishtin
Noka: TI përfaqëson hajdutët
Hasani: Ul gishtin! Ti je narko.
Noka: Jam zgjedhur me votën e popullit. Kur të marrësh votën.
Peleshi: Shiko provat çfarë ke bërë ditën e enjte. O Flamur nuk di çfarë po thua. Po flet përçart. Nuk dogjëm as karrige.
Noka: Kam djegur karrigen time. Ke djegur paratë,. Ku i çuat paratë. Qani me lotin e krokodilit./ilirianews
