Kuvendi i Kosovës pritet të mblidhet sërish sot në orën 11:00, në një tjetër përpjekje për t’u konstituuar. Kjo do të jetë seanca e 22-të me radhë, pas 21 tentimeve të pasuksesshme.
Edhe këtë herë, do të tentohet votimi i kandidates së Lëvizjes Vetëvendosje, Albulena Haxhiu, për postin e kryetares së Kuvendit.
Megjithatë, ky proces po has në vështirësi, pasi një pjesë e madhe e deputetëve refuzojnë të votojnë përmes komisionit të fshehtë dhe nuk e mbështesin kandidaturën e Haxhiut, duke e konsideruar atë si një figurë jo unifikuese.
