Këshilli i Lartë Gjyqësor (KLGJ) ka zgjedhur sot Ilir Rusin si kryetar të këtij institucioni, duke e votuar atë me shumicë votash në mbledhjen e zhvilluar. Rusi, pedagog i Fakultetit të Drejtësisë, merr këtë post pas përfundimit të mandatit të Naureda Llagamit.
Gjatë mbledhjes, Këshilli njoftoi për mbarimin e qëndrimit në detyrë të Llagamit dhe emërimin e Violanda Theodhorit, anëtare më e re e KLGJ-së, si përfaqësuese e shoqërisë civile e zgjedhur nga Kuvendi i Shqipërisë.
Në të njëjtën mbledhje, KLGJ vendosi gjithashtu zgjedhjen me shumicë votash të Yllka Rupës si zëvendës-kryetare të Këshillit të Lartë Gjyqësor.
