Shefja e Misionit të Vëzhgimit të Zgjedhjeve nga Bashkimi Evropian, Nathalie Loiseau, ka folur në lidhje me ditën e zgjedhjeve, të cilën e vlerësoi si të qetë.
Gjatë një konference për media ajo ka përmendur vonesat në uebfaqen e KQZ-së, duke thënë se ato janë të pamohueshme dhe duhet të ketë transparencë të plotë.
Veç kësaj, Loiseau ka shprehur shqetësimin edhe për gjuhën e përdorur ndaj mediave nga partia në pushtet, Lëvizja Vetëvendosje
Ajo theksoi se, megjithatë, ende ka sfida në procesin zgjedhor, duke përmendur vonesa dhe nevojën për transparencë.
“Vështirësi në zbatimin e procedurave janë bërë të dukshme. Ne kemi vëzhguar KQZ ka pasur sfida dhe kjo ka shkaktuar vonesa të cilët tani janë te pa mohueshme duhet të ketë transparencë të plotë. Dita e zgjedhjes ishte mjaftë e qetë, numri i partive të serbëve të Kosovës mund te shihet si pozitive, por plutariteti politike është ende larg.
…pati gjoba të mëdha subjekteve politike, ne kemi vërejtur përdorime të gjuhës nxitës dhe sulmet verbale kjo u reflektua edhe në ambientin e fushatës që zhvillohet në mediat sociale. Kemi parë gjuhë armiqësore ndaj mediave nga partia që është në pushtet. Transmetuesit ka dhënë kohë të barabartë për të gjithë por nuk u shfrytëzua nga te gjithë. Fushata me komunë me shumicë serbe kanë qenë më të përmbajturat. Ne do të vazhdojmë të vëzhgojmë deri në numrin e fundit të procesit zgjedhor” – ka thënë ajo, sipas “EO”.
