Misioni vëzhgues OSBE-ODHIR ka komentuar sot përmes një deklarate për mediat procesin zgjedhor të 11 majit në Shqipëri.
Gjatë konferencës, teksa dhanë vlerësimin e tyre duke e konsideruar në përgjithësi një proces të qetë, përfaqësuesi i OSBE ka vlerësuar edhe rolin e SPAK-ut në lidhje me hetimet e krimeve zgjedhore. Sipas OSBE, SPAK ka luajtur një rol të rëndësishëm, pasi përveç ndjekjeve penale pati po ashtu një efekt frenues ndaj krimeve zgjedhore.
Më tej, OSBE shprehën gatishmërinë për të punuar me parlamentin dhe forcat që do të zgjidhen. Ndërkohë, nuk lanë pa komentua votën e diasporës, të cilën e konsideruan një arritje për demokracinë shqiptare.
“SPAK ka luajtur rol pozitiv në hetimin e krimeve zgjedhore. Por, u pa se pati gjithashtu edhe një efekt të mundshëm frenimi të krimeve zgjedhore. Jemi të gatshëm që të punojmë ngushtë me parlamentin dhe forcave që do të zgjidhen për interesin më të mirë të popullit shqiptar. Vota e diasporës është një arritje për demokracinë shqiptare.”, tha përfaqësuesi i OSBE.
