Misioni vëzhgues i OSBE-ODIHR ka nisur punën në Shqipëri për monitorimin e zgjedhjeve parlamentare të 11 majit.
Paraditen e kësaj të mërkure, delegacioni i OSBE-ODIHR ka shkuar në SPAK në kuadër të takimeve para zgjedhjeve të 11 majit, të vlefshme për fokusin e monitorimit në fusha problematike.
Kujtojmë që më 2 Prill, kur drejtuesi i misionit OSBE-ODIHR, Lamberto Zannier mbajti një konferencë për mediat, u pyet edhe për për hetimin e krimeve zgjedhore dhe mundësinë e bashkëpunimit me SPAK për raportimin e shkeljeve.
Ambasador i OSBE, Zanier e konsideroi të rëndësishëm bashkëpunimin me autoritetet. Ai theksoi se misioni do të ndjekë metodologjinë e tij standarte të vëzhgimit.
Zannier tha se do të do të jetë bashkëpunues me autoritetet dhe metodologjia e tij do të mbështetet në stardardet e vendosura për vëzhgimin zgjedhor.
“Bashkëpunimi me autoritetet është i rëndësishëm, por gjetjet tona do të ndahen përmes raporteve zyrtare,” tha Zannier.
