– Kreu i Komisionit Qëndror të Zgjedhjeve Ilirjan Celibashi ka deklaruar se 800 mijë emigrantë nuk kanë dokumente të vlefshme identifikimi. Gjatë një dalje për mediat, Celibashi ka theksuar se aktualisht janë mbi 42 mijë aplikime emigrantësh që janë regjistruar për të votuar. Po ashtu Celibashi theksoi se KQZ-ja do t’i kërkojë Këshillit të Ministrave që të zgjasë afatin e vlefshmërisë së dokumenteve të identifikimit për shqiptarët që jetojnë jashtë, të paktën deri më 15 maj.
“Numri i aplikantëve po vjen në rritje, aktualisht janë mbi 42 mijë. Numri i zgjedhësve, të cilëve iu është refuzuar kjo kërkesë është 9104. Janë 1873 zgjedhës, të cilët pasi iu është refuzuar kërkesa, kanë riaplikuar. 636 është numri i zgjedhësve që kanë riaplikuar dhe u është miratuar kërkesat. 209 931 shtetas me të drejtë vote, të cilëve u skadon letërnjoftimit, që u skadon deri më 15 maj 2025. Janë 160 213 shtetas, të cilët nuk kanë disponuar asnjëherë dokument identifikimi, pra nuk kanë aplikuar asnjëherë, por ndërkohë janë shtetas shqiptarë dhe nuk kanë aplikuar për dokument identifikimin. Janë shtetas dhe jo domosdoshmërish votues. Nuk kanë aplikuar asnjëherë për dokument identifikimi. Duhet t’i kërkojmë këshillit të ministrave, që të zgjasin nëpërmjet aktit normativ vlefshmërinë e dokumenteve të identifikimit, për kategorinë e zgjedhësve shqiptarë, të cilët banojnë jashtë territorit të republikës së Shqipërisë,” tha ai.
