Gjatë ditëve vendimtare për zgjedhjen e papës së ri, Vatikani ka ndërmarrë masa të rrepta për të garantuar fshehtësinë dhe integritetin e konklavës.
Një prej këtyre masave është ndalimi i përkohshëm i sinjalit telefonik brenda territorit të Vatikanit. Kjo lëvizje synon të parandalojë çdo rrjedhje informacioni gjatë procesit të votimit, duke përjashtuar vetëm Sheshin e Shën Pjetrit nga ky kufizim.
Ndërprerja nuk do të prekë Sheshin e Shën Pjetrit, ku mijëra besimtarë pritet të grumbullohen për të pritur shpalljen e pasardhësit të Papa Françeskut, i cili ndërroi jetë më 21 prill.
Kardinalët do të hyjnë në Sistinë pa telefona, duke respektuar traditën e fshehtësisë absolute që karakterizon këtë proces historik të Kishës Katolike.
