Presidenti i Ukrainës, Volodymyr Zelensky, deklaroi se Turqia, vendet e Gjirit ose disa shtete evropiane mund të shërbejnë si vende pritëse për bisedime me presidentin rus Vladimir Putin.
“Këtë javë do të kemi kontakte me Turqinë, me vendet e Gjirit dhe disa vende evropiane që mund të mirëpresin bisedime me Rusinë. Nga ana jonë, gjithçka do të përgatitet maksimalisht për të arritur në përfundimin e luftës”, tha Zelensky në një deklaratë video të shpërndarë mbrëmjen e sotme.
Deklarata e tij vjen në të njëjtën kohë që shefi i kabinetit presidencial ukrainas, Andriy Yermak, ndodhet në Katar së bashku me kreun e Këshillit të Sigurisë Kombëtare të Ukrainës, për të zhvilluar takime me ministrin e Mbrojtjes së Katarit.
Megjithëse Zelensky është shprehur i hapur për bisedime të drejtpërdrejta me Putinin, ministri i Jashtëm rus, Sergey Lavrov, ka deklaruar se ende nuk ekziston një axhendë konkrete për një takim të tillë.
