Një ngjarje tronditëse ka dalë në dritë në Angli, ku një ish-politikan i çrregullt pranoi se kishte vrarë gruan e tij pranë varrit të djalit të tyre, pikërisht në 20-vjetorin e ndarjes së tij nga jeta.
Martin Suter, 68 vjeç, e ka pranuar fajin për vrasjen e gruas së tij, Ann Blackëood, 71 vjeçe, më 24 korrik 2023 në varrezat Crofton Cemetery në Stubbington, Angli, aty ku çifti kishte varrosur të birin dy dekada më parë.
Lajmi u bë publik këtë javë pasi një gjykatës hoqi ndalimin për publikimin e detajeve të ngjarjes, raportoi Portsmouth News.
Policia mbërriti në vendngjarje pas raportimeve për një sulm fizik dhe gjeti Blackëood të gjakosur në tokë. Pavarësisht përpjekjeve të oficerëve dhe paramedikëve për t’i shpëtuar jetën, ajo u shpall e vdekur në vend.
Detajet për mënyrën e vrasjes nuk janë bërë publike nga autoritetet, ndërsa dëshmitarë nga vendi i ngjarjes tregojnë për një skenë të tmerrshme, me paramedikët që luftonin për jetën e saj mes varreve.
Familja e viktimës është thellësisht e tronditur:
“Vdekja e Ann Blackëood na ka lënë të shkatërruar,” thuhet në deklaratën e familjes të shpërndarë nga policia e Hampshire.
“Ajo ishte një nënë e dashur, plot dashuri dhe mirësi, shumë e njohur dhe e respektuar në komunitet. Shijonte pensionin me një stil jete aktiv që përfshinte tenisin, lundrimin, çiklizmin dhe muzikën.”
Martin Suter ishte një anëtar i Partisë së Gjelbër dhe kishte kandiduar disa herë në zgjedhje lokale, por pa sukses. Në vitin 2022 kishte marrë vetëm 331 vota, duke përfunduar i katërti në garë. Ai njihej gjithashtu si një anëtar aktiv i kishës St. Faith në Lee-on-the-Solent, qyteti bregdetar ku çifti jetonte.
Ngjarja ka tronditur komunitetin lokal, ku Suter dhe Blackwood ishin figura të njohura, ndërsa motivi i krimit mbetet ende i paqartë. Ai pritet të dënohet në muajt në vijim.
