Një arsenal armësh dhe lëndë narkotike është zbuluar pasditen e sotme në zonën e Sukut, në Bashkinë Roskovec, Fier.
Sipas informacioneve paraprake, kontrolli është ushtruar fillimisht në një lokal në pronësi të një të riu, ku është gjetur lëndë narkotike.
Më pas, gjatë kontrollit në banesën e tij, janë zbuluar armë zjarri dhe mjete shpërthyese.
Burimet për mediat bëjnë me dije se në banesë janë sekuestruar dy automatikë kallashnikov, dy pistoleta dhe dy granata, ndërsa droga është gjetur si në ambientin e lokalit ashtu edhe gjatë verifikimeve të tjera.
