Në seancën e Apelit të GJKKO-së për Erion Veliajn, ku kërkohet liria e tij kundrejt garancisë pasurore, është trajtuar kundërshtimi i provave të reja të paraqitura nga SPAK. Veliaj ka shpallur se nuk është dakord me përgimet që janë konsideruar prova të reja nga SPAK, duke pretenduar se ato janë biseda familjare që nuk kanë lidhje me hetimet. Ai ka theksuar se këto biseda kishin të bënin me intervistat në media dhe ka ngritur shqetësimin për faktin se sulmet publike të Sali Berishës ndaj SPAK nuk janë marrë parasysh si prova, ndërkohë që janë marrë parasysh komunikimet me familjen dhe interesimet për intervista në media.
Gjatë fjalës së tij, Veliaj ka deklaruar se i qëndron çdo postimi që ka bërë në rrjetet sociale dhe ka kërkuar që seanca të zhvillohej me dyer të hapura. Ai e ka theksuar gjithashtu se është ende kryetar bashkie i Tiranës, i zgjedhur nga çerek milion vota.
“Ju nuk keni konsideruar prova te reja sulmet publike të Sali Berishës ndaj SPAK. Por keni konsideruar prova të reja cimkat dhe telefonatat e mia me djalin dhe familjen dhe interesimin tim per intervista në TV kryesore”, mësohet të ketë thënë Veliaj,
“Unë jam ende kryetar bashkie në detyrë i votuar nga çerek milion njerëz, unë i qëndroj çdo postimi që kam bëre në rrejte sociale”, ka thënë gjithashtu Veliaj.
