Yann Sommer, portieri i Interit, ka treguar një anë të panjohur të jetës së tij jashtë futbollit në një intervistë për “La Gazzetta dello Sport”.
Më 17 dhjetor ai feston 37-vjetorin dhe tashmë ka menduar seriozisht për të ardhmen pas karrierës.
Sommer thotë hapur se stoli i trajnerit nuk e tundon.
“Është shumë stresues, nuk besoj se do të bëhem trajner,” shprehet ai.
Portieri zviceran zbulon se e tërheq më shumë bota e spektaklit.
Ai kujton përvojat e tij si aktor në projekte promovuese të turizmit në Zvicër.
Sommer ka punuar edhe me showgirl-in Michelle Hunziker.
“U kuptuam shumë mirë dhe u argëtuam shumë,” thotë ai me nostalgji.
Videot promovuese kanë pasur sukses të madh në rrjetet sociale, duke e treguar Sommer në një rol krejt tjetër, të natyrshëm para kamerës.
Portieri i Interit lë të hapur mundësinë për t’u rikthyer në skenë pas futbollit, të gatshëm për sfida dhe eksperienca të reja.
Me një shpirt aventurieri, Sommer duket i përgatitur të ndërtojë një karrierë të re përtej fushës së blertë.
