Detaje të reja janë mësuar nga aksidenti tragjik që ndodhi pasditen e sotme në Vaun e Dejës ku xhaxhai dhe nipi ndërruan jetë.
Sipas informacioneve, dy personat ishin duke ecur në anë të rrugës kur një makinë tip Benz ka humbur kontrollin dhe i ka përplasur për vdekje. Viktimat janë identifikuar si Ndue Prenga dhe Ndrekë Prenga, xhaxha dhe nip.
Ndërkohë, drejtuesi i automjetit mësohet se është Glindis Bujari, i cili është transportuar në spital ku ndodhet në gjendje të rëndë shëndetësore.
“Rreth orës 17:00, në fshatin Mjedë, shtetasi G.B, duke drejtuar automjetin tip “Mercedes Benz”, ka humbur kontrollin mbi drejtimin e automjetit dhe për pasojë automjeti ka dalur nga rruga, duke ka përplasur dy këmbësorët, shtetasin N. P., 63 vjeç, i cili si pasojë e përplasjes ka humbur jetën në vendngjarje dhe shtetasin N. P., 43 vjeç., i cili ka humbur jetën gjatë transportimit për në Spital.
Nga përplasja është dëmtuar dhe drejtuesi i automjetit, shtetasi G. B., i cili ndodhet në Spital, për ndihmë mjeksore, i shoqëruar nga efektivë të Policisë, pasi pas marrjes së ndihmës mjeksore do shoqërohet në Komisariat për veprime të mëtejshme”, thotë policia.
Hetimet për të zvuluar rrethanat e aksidentit vijojnë, teksa Glindisi do të merret në pyetje pas dalies nga spitali.
