Real Madridi ka marrë disa lajme pozitive përpara ndeshjes vendimtare të së dielës kundër Alavés. Xabi Alonso do të ketë në dispozicion Mbappé, Valverden, Rüdigerin dhe Huijsenin, të cilët kanë kaluar shqetësimet fizike dhe kanë marrë pjesë normalisht në seancën e fundit stërvitore të së shtunës.
Mbappé duket se është rikuperuar nga ngërçi muskulor që e la në stol kundër Manchester City-t.
Valverde gjithashtu ka lënë pas lodhjen muskulore.
Rüdiger është rikuperuar nga goditja e marrë kundër City-t.
Huijsen, pas një dëmtimi të çuditshëm dhe disa javësh mungesë, është rikthyer plotësisht.
Të katër lojtarët do të udhëtojnë drejt Mendizorroza-s.
Camavinga, mungesa e madhe — Castilla vjen në ndihmë
Nga ana tjetër, Camavinga nuk është stërvitur dhe do të humbasë ndeshjen. Për këtë arsye, Xabi Alonso ka përfshirë në stërvitje dy mesfushorë nga Castilla: Cestero dhe Thiago, dhe të paktën njëri prej tyre do të grumbullohet.
Mbrojtja, problemi më i madh
Situata më kritike për Xabi Alonson mbetet mbrojtja, ku mungesat janë të shumta:
- Nga qendërmbrojtësit të gatshëm janë vetëm Asensio dhe Huijsen, dhe të dy ka gjasa të luajnë titullar.
- Rüdiger, megjithëse u stërvit, mbetet në garë për një vend dhe mund të konkurruojë me Huijsenin.
Më dramatike është situata te mbrojtësit e krahut:
Të gjithë 6 opsionet janë jashtë ndeshjes:
- Trent Alexander-Arnold
- Carvajal
- Fran García
- Carreras
- Mendy
- Alaba (që mund të luante majtas)
Carreras dhe Fran García janë të pezulluar, një tjetër goditje për Realin. Për këtë arsye, është shumë e mundur që Xabi Alonso të aktivizojë si titullar një tjetër lojtar nga Castilla: Valdepeñas në krahun e majtë të mbrojtjes.
Real Madridi udhëton drejt Vitoria-s me sulmin e kompletuar, por me një mbrojtje emergjence. Ndeshja ndaj Alavés është vendimtare për të ardhmen e skuadrës dhe për vetë Xabi Alonson.
