Një 30-vjeçar është vrarë me thikë në Kryekuq të Divjakës.
Viktima është identifikuar si Besmir Kumria.
Ngjarja e rëndë ka ndodhur në ambientet e jashtme të një lokali, në orët e vona të mbrëmjes së djeshme.
Sipas informacioneve jo zyrtare, autori ka parkuar makinën dhe ka hyrë me thikë në dorë në lokal. Ai është afruar drejt tavolinës ku ndodhej Kumri së bashku me disa persona të tjerë dhe e ka goditur, duke e lënë në vdekur në vend.
Sipas dëshmive, autori, i cili ende nuk është kapur nuk njihet në zonë.
Ndërsa viktima punonte në Himarë dhe kishte ardhur për të përcjellë bashkëshorten e tij për në Gjermani, pasi ishte infermiere dhe kishte gjetur punë.
Autori ka qenë pa maskë, por mungesa e kamerave në lokal ka bërë që ngjarja të mos jetë e filmuar.
