Gjykata e Posaçme e Apelit lë në burg Safet e Behar Bajrin së bashku me Astmer Bilalin. Safet Bajri është i akuzuar si një ndër eksponentët kryesorë të krimit të organizuar në Shkodër.
Prokuroria e Posaçme e akuzon për “vrasjen me paramendim” të Fatbardh Licit, ngjarje kjo e ndodhur në vitin 2018 si dhe akuzën e grupit të strukturuar kriminal.
Safet Bajri dhe bashkëpunëtorë të tij u arrestuan në vitin 2018 për akuza të lidhura me krimin e organizuar, por dosja u shfry më pas në gjykatë dhe ai qëndroi në burg vetëm për një kohë të shkurtër.
