Pas vrasjes së 14-vjeçarit, Martin Cani dhimbja dhe frika ka “kapluar” prindërit dhe nxënësit e shkollës “Fran Noli”. Ndryshe nga ditët e tjera ata do të shkojnë bankat e shkollës me dhimbjen e humbjes së bashkëmoshatarit të tyre.
Ndërkohë prindërit shprehin frikën e për brezat e rinjë ndërsa theksojnë se ata janëtë shqetësuar. Një prind u shpreh se vajza e tij është e tronditur dhe se janë jashtëzakonisht të shqetësuar.
“Jemi të trishtuar sa s’ka më. Vajza është e tronditur, ka ardhur duke qarë në shtëpi. Jashtëzakonisht të shqetësuar jemi”, tha një prind.
Një prind tjetër u shpreh se po rritet një bez shumë i keq ndërsa shtoi se reputacioni i mësuesve ka rënë.
“Po rritet një brez shumë i keq. Të ketë më shumë reputacion nxënësi se mësuesi është t’ia dhesësh racën. Të bëjë më shumë pordhë nxënësi se mësuesi… Thonë bullizim bulizim…”, u shpreh një tjetër prind.
Një tjetër prind u shpreh se në vend se të vijnë me fletore në shkollë, vijnë me lule ndërsa theksoi se fëmijët nuk donin të shkonin në shkollë.
“Si ndihemi sot, nuk na bëjnë këmbët. Në vend se të vijnë me fletore në shkollë, vijnë me lule. S’deshën me ardh në shkollë sot kalamajtë”, tha babai i një fëmije.
Një ish-mësues i shkollës gjithashtu bëri apel që mësuesit dhe drejtoresha të jenë të kujdesshëm.
“Mësuesit duhet të jenë më shumë të kujdesshëm. Drejtoresha mos të rrijë vetëm në zyrë”, tha ish-mësuesi.
