Ka nisur ditën e sotme gjykimi ndaj dy kushërinjëve Flori dhe Klajdi Muka, të cilët akuzohen për vrasjen e 19-vjeçarit Grei Bihuci 8 muaj më parë qytetin e Fierit.
Prezent në sallën e gjygjit ishin dhe familjarët e viktimës dhe të autorëve, ku këta të fundit kërkuan që të merren nën hetim edhe persona të tjerë të lidhur me ngjarjen.
Familjarët e autorëve i kërkuan prokurorit Petrit Vuka që të marrë nën hetim edhe persona të tjerë të paidentifikuar të cilët dyshohet se kanë dhunuar dy kushërinjtë gjatë debatit mes të rinjve.
Dy kushërinjtë Muka kanë deklaruar para gjykatës se ata kanë nxjerrë thikat gjatë sherrit mes bashkëmoshatarëve për tu mbrojtur dhe pa patur qëllim të vrasin askënd. Ata theksuan se Grei Bihuci ishte rastësisht viktimë e sulmit.
Nga ana tjetër avokati mbrojtës i kushërinjve Muka kërkoi ricilësim të akuzës nga “vrasje me paramendim”, në vrasje në rrethana të tjera cilësuese.
Ngjarja
Në 11 mars të këtij viti 19-vjeçari Grei Bihuca, nxënës i gjimnazit “Petro Sota” në qytetin e Fierit, u vra pasi me thikë pas një sherri mes adoleshentëve.
Pas ngjarjes së rëndë u arrestuan menjëherë dy kushërinjtë Muka. Ndërkohë që adoleshentët e përfshirë në sherr u thanë autoriteteve se thika me të cilën u godit Grei Bihuci u ishte dhënë kushërinjve Muka nga një tjetër shok i Greit.
Sipas dëshmive të adoleshentëve kur shoku i greit ju kërkoi kushërinjve Muka t’i kthenin thikën të cilën e kishte blerë online këta të fundit nuk pranuan, dhe nisi konflikti mes tyre.
Pas disa ditë debatesh adoleshentët e lanë për tu sqaruar në qendër të Fierit. Në momentin që adoleshentët u ballafaquan konflikti u agravua dhe u përdor thika për të cilin nisi sherri, ku mbeti i vrarë dhe Grei Bihuci.
Seanca e radhës për këtë vrasje u caktua për në datën 27 nëntor.
