Procesi i regjistrimit të votuesve nga diaspora për zgjedhjet e 11 majit ka nisur me një interes të lartë, sipas të dhënave të publikuara nga Komisioni Qendror i Zgjedhjeve. Deri më tani, janë dorëzuar 11,973 aplikime, por vetëm 1,717 prej tyre janë miratuar, ndërsa pjesa tjetër është ende në fazë shqyrtimi.
Numri më i madh i aplikuesve është nga meshkujt, me 8,388 aplikime, ndërsa nga femrat janë regjistruar 3,585 kërkesa. Për sa i përket grupmoshave, shumica e aplikantëve janë të rinj nga 25 deri në 35 vjeç.
Për të përballuar fluksin, një ekip i dedikuar i KQZ-së po punon me turne të pandërprerë për të verifikuar dhe informuar votuesit mbi statusin e aplikimeve të tyre, duke u komunikuar nëse ato janë miratuar apo refuzuar.
Afati për aplikime do të përfundojë më 12 mars 2025, ndërsa më 11 maj qytetarët shqiptarë zgjedhin qeverinë e re.
