Dy persona janë vënë në pranga nga policia në Tiranë. Arrestimi i tyre ka ardhur pasi ata dyshohet se kanë vjedhur një banesë dhe dy lokale gjatë periudhës maj-qershor. Të arrestuarit janë identifikuar si 20-vjeçari, Enea Duçi dhe 33-vjeçari, Armando Kumani.
Ndërkohë është shpallur në kërkim 21-vjeçari, Erion Guce. Duçi dhe Guce kanë vjedhur para dhe sende me vlerë, në 1 banesë dhe në 2 lokale. Kumani dyshohet se dje ka vjedhur një shumë parash në një banesë në fshatin Arbanë.
Njoftimi i plotë:
Si rezultat i hetimeve të kryera rreth denoncimeve për vjedhje në banesa dhe në subjekte, shërbimet e Komisariatit të Policisë Nr. 6 në bashkëpunim me Komisariatin e Policisë Nr. 2, mundësuan zbardhjen e autorësisë së 4 prej këtyre rasteve. Konkretisht:
-u vu në pranga shtetasi E. D., 20 vjeç dhe u shpall në kërkim shtetasi E. G., 21 vjeç, pasi dyshohet se gjatë periudhës maj-qershor, kanë vjedhur para dhe sende me vlerë, në 1 banesë dhe në 2 lokale; -u vu në pranga shtetasi A. K., 33 vjeç, pasi dje, dyshohet se ka vjedhur një shumë parash në një banesë në fshatin Arbanë.
Punohet për kapjen e 21-vjeçarit, si dhe për zbardhjen e vjedhjeve të tjera që mund të kenë kryer këta shtetas. Materialet procedurale iu referuan Prokurorisë së Tiranës, për veprime të mëtejshme.
