Kosova feston sot ditëlindjen e 17-të si një shtet i pavarur dhe i lirë! Pas ngritjes soleme të flamurit të shtetit në vend, presidentja Vjosa Osmani ka zhvilluar dhe një bisedim me gazetarët duke uruar dhe njëherë pavarësiën dhe duke falenderuar të gjitha ata figura historike që kontribuan me jetë për këtë ditë.
Osmani gjithashtu i drejtohet me falenderime dhe qytetarëve të Kosovës duke u thënë se nuk ka asgjë që na ndal drejt Republikës sonë të lirë, të pavarur, sovrane dhe të përjetshme.
“Është një ditë që ne ju themi faleminderit nga zemra, një falenderim të përhershëm për të gjithë ata që sakrifikuan dhe dhanë gjithçka në mënyrë që ne sot së bashku ta festojmë këtë ditë të shenjtë e historike.
Duke filluar nga arkitekti i Pavarësisë sonë, presidenti historik, dhe komandanti legjendar Adem Jashari që udhëhoqi UÇK-në, e deri tek secili qytetarë i Republikës sonë që sakrifikoi me mund e me gjak në mënyrë që sot të gëzohet kjo ditë.
Edhe një herë në emër të të gjithë qytetarëve të Kosovës, faleminderit për kontributin e dhënë, do të ecim përpara sepse nuk ka asgjë që mund ta ndalë Republikën tonë të lirë, të pavarur, sovrane, dhe të përjetshme. Urime!”, tha Osmani.
