Një gjurmë ADN-je ka ndihmuar në zbardhjen e hetimeve të grabitjes së ndodhur në Muzeun e Luvrit, duke çuar në arrestimin e dy personave të shtunën në mbrëmje. Sipas raportimeve nga BFMTV, njëri nga të dyshuarit u identifikua përmes një “gjurme vendimtare ADN-je” të gjetur në vendngjarje. Pas këtij incidenti, policia mjeko-ligjore ka bërë një kërkim të gjerë për prova, mbledhur mbi 150 mostra ADN-je, gjurmë gishtash dhe elementë të tjerë provues nga vendi i ngjarjes.
Shefja e policisë mjeko-ligjore, Perrine Rogiez-Thubert, ka theksuar se hetuesit kanë analizuar gjurmë të ndryshme, përfshirë gjak, pështymë dhe spermë, si dhe gjurmë më të dobëta lëna në objekte që mund të kenë pasur kontakt me autorët. Në vendngjarje u gjetën disa sende, përfshirë një helmetë, një radio dore, një jelek të verdhë dhe dy rrota metalike prerëse, që mund të mbajnë ADN. Pas mbledhjes, këto mostra janë analizuar në laborator për të ndërtuar profilin gjenetik të të dyshuarve.
Hetimet morën një kthesë të rëndësishme kur njëri nga të arrestuarit tentoi të arratisej, duke u identifikuar në procesin e testimeve të ADN-së dhe duke u ndaluar më pas. Të dy burrat, të cilët janë rreth 30 vjeç, jetojnë në Aubervilliers, një periferi veriore e Parisit. Roli i tyre në grabitje ende nuk është përcaktuar, por ata konsiderohen si “të dyshuarit kryesorë”. Njëri prej të dyshuarve ka shtetësi franceze dhe algjeriane dhe u arrestua në aeroportin Roissy–Charles de Gaulle, kur po përgatitej të udhëtonte drejt Algjerisë; ndërsa tjetri është shtetas vetëm i Francës.
Policia vazhdon të hetojë për të zbuluar bashkëpunëtorët e mundshëm dhe për të gjetur plaçkën e grabitur, e cila ende mbetet e panjohur. Kjo situatë thekson kompleksitetin e hetimeve në raste të tilla dhe rëndësinë e shkencës në zbulimin e krimeve.
