Forma e fundit e Liverpool-it ka shkaktuar shqetësim, me Van Dijk që zbuloi se zhvilloi një takim me lojtarët pas humbjes 2-1 ndaj United. Megjithatë, ai kritikoi reagimin ndaj kësaj periudhe të vështirë për klubin, duke thënë se mbulimi i mediave ishte i ngjashëm me atë të një ekipi që lufton për mbijetesë. Pas fitores së skuadrës ndaj Villa, Van Dijk iu shpreh TNT Sports: “Ajo që kam vënë re javët e fundit është se ka shumë zhurmë që nuk e kontrollojmë, dhe që ne si ekip duhet të përballemi me të.”
Ai e cilësoi disa nga komentet si absurdë, duke shtuar se është e rëndësishme të qëndrojnë së bashku. “Nuk shkojmë në fushë për të humbur, nuk dëshirojmë të zhgënjejmë tifozët. Duam të punojmë fort dhe të fitojmë, por në Premier League nuk ka garanci. është shumë e vështirë të qëndrosh i qetë, por kjo është e nevojshme për t’u rikthyer atje ku duam të jemi,” vijoi ai.
Van Dijk theksoi nevojën për të vazhduar punën dhe për të mos e tejkaluar entuziazmin apo pesimizmin. “Tani jetojmë në një botë, të paktën për futbollistët, ku çdo kush mund të ketë opinion mbi shumë platforma dhe të gjithë mendojnë se e dinë më mirë. Duhet të përpiqemi të qëndrojmë larg kësaj dhe të fokusohemi në punën e vështirë që kemi bërë,” shtoi ai.
Sezoni i kaluar kishte qenë shumë pozitiv, ndërsa këtë vit, duket se me sa i përket perceptimit të jashtëm, skuadra është drejtuar drejt një beteje për mbijetesë. “Kështu funksionon bota,” përfundoi Van Dijk, duke sugjeruar se ndryshimet në opinionin publik shpesh ndodhin, pavarësisht performancës reale të ekipit.
