Kryetari i demokratëve Euroatlantikë, Lulzim Basha nuk ka qëndruar gjatë dhe i ka kthyer përgjigje kryeministrit Edi Rama i cili jo më larg se disa orë më parë, nga Elbasani tha se ish-kreu i të djathtëve ka “lindur me këmishë, por këmishë nate”.
“Luli nuk evoluon sepse është i përsosur dhe nuk ka çfarë evoluon. I lindur i përsosur. Një njeri i cili gjumin e do aq shumë sa e mban për vete është i përsosur. Ka njerëz që thonë lindin me këmishë, Luli ka lindur me këmishë nate. Nuk janë të gjithë kështu, një është ai”, tha Rama.
Ndërkohë, që përmes një video Basha përmes “rrepit” dhe këngëve të Unikkatilit të cilat tanimë janë bërë dhe “simbol” të fushtës dhe replikave të demokratit euroatlantik me kryeministrit Rama, e ka ironizuar këtë të fundit duke e pyetur sërish për “shokët” të cilët mbajnë veshur “këmisha burgu vija-vija”.
“Veç mos kaj Rame, me këmishë hë. Po çfarë këmishe hë? Këmishë nate, apo këmishë burgu? Ku i ke shokët Rame? Çfarë këmishe ka veshur Lali Eri,. Po Ilir Beqaj? Vetëm Beni ka shpëtuar për momentin. Hajde Ramë këmishë vija vija shokëve. 7 herë 7 baraz 313”, tha Basha.
